----------------------------------------------------------------------------
လူဘဝသည် …
အယုတ်အလတ်၊ အမြတ်ဘုံများနှင့်တကွ၊
ဘုံလွတ်ရာဘဝအထိ၊ ရပိုင်ခွင့် ယူပိုင်ခွင့် ရှိနေ၍
ပဒေသာဘဝဆိုရမည်။
သာသနာပွင့်ရာအခါသည်လည်း
လူ နတ် နိဗ္ဗာန် သုံးတန်သော ချမ်းသာသုခ
အတုအပမရှိ ခံစားခွင့်ရနေ၍ ပဒေသာကာလပင်
ဆိုရမည်။
သည်မျှလောက် …
ထောက်ထောက်ခံဘဝနှင့် ကာလ ရနေကြပါလျက်နှင့်
ထိုဘဝကောင်းအခါကောင်းများကို ပေါင်နှံချေးငှား
တလွဲသုံးများ လုပ်နေခဲ့ပါသော် …
နေသာရာအညာအရပ်
မြေဝယ်ကပ်ပေါက်လေ့ရှိသော နေစာပင်သည်
နေစားစရာအပင်အဖြစ် ရာသီကုန်အပင်ပြုတ်၊
ငုတ်လျက်က ပျောက်ကွယ်သွားရပါသည် ပမာ…
ကံ ဈန်ကုသိုလ်ပေး နတ် ဗြဟ္မာတို့ ဘုံဝယ်
ကိလေသာစားစရာ ဘဝအဖြစ်ဖြင့်ပင် ဘဝမျိုးတုံး
နတ်မျိုးဆုံး ဖြစ်ကရော့မည်။
တစ်ဖန် နေသာရာအညာအရပ်၌ပင်
မြေဝယ်ကပ်ပေါက်လေ့ရှိသော မြေဇာပင်သည်
မြေစားစရာအပင်အဖြစ်ဖြင့် ရာသီကုန်အပင်ပြုတ်
ငုတ်လျက်က ပျောက်ကွယ်သွားရပါသည် ပမာ
ကံ ကုသိုလ်ပေး လူတို့ဘုံဝယ် သုဿန်နေ
မြေစာအဖြစ်ဖြင့်ပင် ခန္ဓာကိုယ် မြေကျင်းအောင်း
ဖြစ်ကရော့မည်။
တစ်ဖန်
သာသနာနှင့်ကြုံခွင့်ရ အခါကောင်းကြီးထဲ၌
- သူတစ်ပါးအကျင့် ပစ္စည်းထောက်ပံ့ရုံမျှဖြင့်
အချိန်ကုန်နေခဲ့သော်လည်းကောင်း၊
- ကျင့်ပါသည် အမည်ခံ အာရုံမမှန် စိတ်ကလန်ကဆန်ဖြင့်
အချိန်ကုန်နေခဲ့သော်လည်းကောင်း၊
ရလာသော ပဒေသာပင်ကို သပြေပင်လုပ်ကာ
ဝါဆိုဝါခေါင် ရေကြီးကြီးထဲ သပြေသီးမှည့်ကောက်စား၊
တော်သလင်း သီတင်းကျွတ် သပြေကိုင်းပင်ခုတ်ချိုး
သပြေပန်းအိုးထိုးပမာ…
သာသနာကွယ် ဘဝကွယ်သည်နှင့်
အထုံ၊ ဝါသနာအကျိုး သူတစ်ပါးအားကိုးဖြင့်ပင်
အချိန်ကုန် ကုန်ရစေတော့မည်။
စင်စစ် မိမိလက်ဝယ်ရှိ ဘဝနှင့်ကာလတန်ဖိုး
အကောင်းမျိုးဟူ၍ မသိလေသမျှ …
မျက်စိရှေ့ပဒေသာပင် ချပြလည်း
ဘာကိုတ,၍ ဘာကိုရ, စေ့မည် ဟူသော စိတ်ကူး
မျက်လုံးဦးသို့ မြူးဝင်လာလိမ့်မည် မဟုတ်ချေ။
မဟာဗောဓိမြိုင်ဆရာတော်
၁၃၆၁ ခုနှစ်၊ တပို့တွဲလပြည့်ကျော်၊ ၇ ရက် ၊
မောနေယျတော၊
